أخبار اليوم

السلام عليكم

 

وإن شاء الله تكونو بصحة جيدة

 

جيت باش نحكي في اﻷخبار اليوم على أيمن الظواهري وما نصح بيه المسلمين باش يخرجو الفرنسيس واﻹسبان من المغرب الكبير ويسترجو اﻷندلس أمّا الأخ بيغ تراب بوي سبقني. لا علينا فمّة شخص آخر حابب يعمل اسم لنفسو هو محمود أحمدي نجاد إلّي في اﻷصل مشا لنيورك باش يحضر في الجلسة العامة للأمم المتشابكة … عفوا المتحدة و ولّى يحبّ يعمل طلّة على غراوند زيرو (الموقع السابق لمركز التجارة العالمية)ـ وهو ما خلّى اﻷمريكان يسبّوه على طريقتهم وهذا شي مفهوم من عبد ماناش فاهمينو مرة يقول يلزمنا نفسخو اسرائيل م الخريطة ومرة يبعث جواب لجورج بوش يحكيلو فيه ع التحابب بين الديانات.ـ

 

لا علينا (مازلت باش نعاودها) اليوم في مونريال تم الاتفاق تحت رعاية اﻷمم الـ…هذوكم، على اﻹسراع في تنفيذ اتفاقية مونريال لسحب مواد التبريد الي تضر بطبقة اﻷوزون وأنا خوكم متفائل على خاتر اتفاقيات اﻷمم المتحدة الكلّها تتطبّق في الآجال متاعها خصوصا كي تبدى متعلّقة بالبيئة.ـ

وأنا نكتب نسيت آش باش نحطّ (بعد مدّة تفكير)ـ أيواه : توّة ليها أيّامات إسرائيل ضربت سوريا (ضريبة خفيفة) واستنّات سوريا آش باش تقول عملا بالمثل متاعنا “ضربني وبكى سبقني وشكى” ياخي سوريا قالت نحتفظ بحق الرّدّ متاعي إلى ما بعد، وما لنا إذن إلاّ أن نشكر السيد الرئيس بشار الشبل وأعوانو على قوة ضبط النفس الّي عندهم… ردّ سوريا في الآخر كان اغتيال سياسي آخر في لبنان. الله الله ع الردّ

القضاء الشيلي قرر ارجاع الرئيس البيروفي السابق ألبارتو فوجيموري إلى بلادو باش يواجه دعوى ضدو تتمثل في جرائم ضد اﻹنسانية وحقوق اﻹنسان. ألبرتو صرّح أنّو مروّح لبلادو مرتاح وهذا مفهوم بسبب عمرو (70 عام) وأنّو القانون في بيرو ما يسمحش بحبس الشيوخ فوق السبعين… والله بصحتو.ـ والكومندانتي فيدال كسترو مازال حى ويعرف حتى اليورو قداش يسوى توا

أخيرا، أخبار متفرّقة : سحب الحرب مازالت تخيّم على دارفور، برنار كوشنار مازال ماهوش فاهم علاش القاعدة تحب تضرب الفرنسيس، اﻹتوال خسرت ضدّ الهلال السّوداني والعاقبة لما أهمّ في سوسةة (قولو آمين)ـ

والسلام عليكم وشاهية طيبة.ـ

ملاحظة : تمّ حذف فقرة لا تتناسب مع الأخبار الموجودة على موقع البي بي سي
Syria has been blamed for the killings, but denies any involvement.

Hugo Chavez won

Venezuella’s President Hugo Chavez has won a third term after beating his rival Manuel Rosales by 61% to 38%, during the presidential election that took place in Venezuella, on Sunday.

“He is the forth left-leaning political that won office in Latin-America over the past four years”, wrote Euronews, on its web sites.

This is a very bad news of the Bush Administration that have to compromise with these leaders during, at least, the next two years.